• Galerio Ślůnskich Noblistůw - Wypożycz ja!
    Galerio Ślůnskich Noblistůw - Wypożycz ja!

    Naszo wystowka moge pojechać we świat dziynki Ciebie.

  • Silesia Skills
    Silesia Skills

    na Forum Uczelni Technicznych we Glýwicach

  • Ślůnske Forum
    Ślůnske Forum

    Je żeś Ślůnzok? Poradzisz godać, a może niý? Chcesz poszkryflać po naszymu? Abo miarkujesz sie jako cosik pedzieć abo zrobić, a niý mosz sie kogo spytać?
    Tukej pogodosz a pouosprawiosz, spytosz a ôdpowiysz, poznosz nowych ludzi, a trefisz kamratůw. Zocnie zaproszůmy kożdego na Šlůnske Forum!

A A A

 

Oberschlesien

Ja, to je tu,
Ich bin von hier..
Ganze mein herz,
Ganze mein leben..
A mono mein liebe?

Ja, gynau sam.
Kaj, jak sie wejrza haupy stojům..
Roztomajte, pociepane,
Byle jak, ale niý byle jake;
Kaj indzij łůnki, pola..
Coroz mynij,
bo mocka ludzi sie na nich stawio swoje Důmy;
Zapuszczo korzynie.

Tak choby te mode strůmiki,
kere tyż kajniýkaj rosnům,
Ôdzyskujům swůj plac;
Po tym jak downij, abo downo..
Ludzie wytargali go ze lasu.
Ja, rwali, targali,
Kosili łůnki,
Ôrali pola.

Wejrza sie tera na te pola..
A tam dalij..
Bliży abo dalij..
Widza kůminy, szyby,
Roztoliczne fabriki a stawiynia
Kere stojům, abo jeszcze stojům,
Kerych tyż juże mono i niý ma,
Ýno spumino mi sie sam tera ta staro wiyża, tyn stary szyb.

A wele nich..
Hołdy.
Niýkere blank zarośniynte, niýkere ôdkryte.
Ba! Niýkere juże uozbiyrane!
No toć,
Tuż już tyla lot sam stojům.
Pokozujům historio!
I to ta teroźniyjszo..

Kejsik bůly sam bory.
Nojsrogszy bor bůł miyndzy Nieder a Ober Schlesien..

Zowdy jednako to bůlo Schlesien.

Schlesien
Mein liebest Haimatland