Chcymy dbać ô naszo godka a przi tymu ô to, coby bůło ij coroz wiyncyj we mediach. Ôprůcz rychtowanio kożdy miesiůnc Wydarzyń po Ślůnsku dlo SferaTv, tublikujymy tyż teksty na Ślůnsko Godka.

Ôstatnio przetublikowali my cołko nec zajta nojlepszego lotanio na cołkim Ślůnsku  - Biegu po Moczka a Makůwki. Idzie ja znolyźć sam: http://biegpomoczkeimakowki.pl

Przi tym lotaniu pomogůmy tyż we wszyskich inkszych tekstach, coby bůły akruatnie pedzane po ślůnsku. Zrychtowalimy regulamin lotanio a kůnkursa dlo kibicůw, wszystke posty na Facebook'u i wiela inkszych.

Dziynkujymy bajslyrzům - Grupie Biegowyj Luxtorpeda - za zaufaniý i powiyrziniý tyj role gynau noszyj Ferajnie.